李亞男有喜 林欣彤:我都係今日先知

2018年07月13日 16:57
東網電視
更多新聞短片
Mag今日先知老闆娘李亞男佗B。

歌手林欣彤(Mag)以「愛心大使」身份出席慈善活動,提到老闆娘李亞男宣布造人成功,她即恭喜對方,並表示戥老闆王祖藍兩夫婦開心,其後又透露日前才與李亞男用膳,但完全察覺不到:「我都係今日先知。(預備禮物?)未決定買咩。(BB係男定女?)唔知,冇追問,佢哋應該好忙。」記者笑問BB身高會似爸爸定媽媽?林欣彤聞言即笑說:「好難估,睇吓男定女,冇乜所謂嘅。女仔細細粒好可愛,高身材會好靚!(如果似爸爸呢?)似老闆個高度,都希望連頭腦都似,不過BB似邊個都好,到時一定萬千寵愛在一身。」

問見到人生兒育女,會否心郁想搵另一半?Mag就表示現階段專注事業:「依家身邊好多朋友結婚,做過好多次姊妹,伴娘都做過兩次。(啲人話再做嫁唔出!)真係咁邪?冇關係嘅。」她認為感情事冇得急,一切隨緣。

----------------------------
東網巨星開咗ig喇,大家快啲follow啦!
 https://bit.ly/2JjSVcr