翻唱獲周董讚賞 黃妍自學結他玩busking

2018年07月13日 18:45
東網電視
更多新聞短片
Cath上電台宣傳。

新晉唱作歌手黃妍(Cath)到電台宣傳,笑言首次見記者很緊張。她透露其實大學二年級才學結他,因為很喜歡周杰倫的歌,想唱女仔key,所以就學結他自彈自唱,她謂:「其實我冇音樂底子,但個腦會有好多melody,所以我就會彈同唱番出嚟,練咗幾個月之後,就同朋友一齊玩busking。」問到可有試過把自己唱的版本給周杰倫聽?她笑言:「我有個fans入到周杰倫演唱會後台,將我唱嘅《聽爸爸的話》畀周杰倫聽,佢仲話周杰倫話幾好,我唔知佢係咪氹我啦,但都好開心,畀好鍾意嘅藝人聽到自己唱嘅歌感覺好奇妙,我都希望有人會唱我嘅歌。」

屋企偏遠

Cath亦謂一直都寫了不少歌,而首支歌就是廣東話版《如何從夏天活過來》,她笑言:「我覺得香港嘅夏天好熱好辛苦,我仲要住啲好偏遠嘅地方,我住元朗村屋,每日要孭住結他踩半個鐘單車出嚟搭車,我都覺得自己好犀利。(冇車搭出嚟?)冇呀,個agent話好快會有小巴,但點知我住咗一年都未有。」她謂與妹妹同住,因為想有空間夜晚可以工作,不讓父母擔心。講到自己出來租屋住,現年26歲的她表示之前有份正職,故經濟方面未有問題。