同李小龍經典合照!胡楓即席為老外簽名

20180713
東網電視
更多新聞短片
胡楓同李小龍呢張相好經典呀!
藝人胡楓出席機場舉行的「群星360馬拉松音樂會」,吸引不少旅客圍觀,每當他完成一首歌,便報以熱烈掌聲,及後更有外籍人士拿着胡楓與李小龍的合照,要求他簽名,他亦有求必應!
首次機場獻唱的他坦言,估不到現場反應熱烈,令他開心非常,談到比其他嘉賓多粉絲支持?胡楓笑謂:「唔好咁講,大家都多粉絲!(有冇癮再開騷?)梗係有,唔知幾想,不過唔知幾時,又唔知有冇主辦單位,等吓啦!(想再破紀錄?)80幾歲真係破紀錄。」
談到近日可有見過契仔黎明的千金?他謂:「仲未,收收埋埋,我知佢錫個女錫到燶,成日都唔畀人睇,只係得佢自己見!(冇睇到相?)唔知點答,要問吓佢有冇畀過我睇先,不過我有兩個曾孫女,一個9個月、一個100日就成日見到囉!」
----------------------------
東網巨星開咗ig喇,大家快啲follow啦!