【14歲就拍拖】張紋嘉初戀男友竟然似佢

2018年07月13日 20:51
東網電視
更多新聞短片
張紋嘉初戀男友似林家棟。

藝人張紋嘉(Crystal )出席娛樂公司活動,表示小時候很喜歡看少女漫畫:「因為未拍過拖就想拍拖,漫畫嗰啲男主角好靚仔,咁我又讀女校,所以就會好憧憬,跟住之後冇耐我就有拖拍啦,14歲第一次拍拖。(對方係好似漫畫主角咁靚仔?)我覺得好似林家棟,佢髮型好似,個頭係好似箭豬咁樣叉出嚟,佢係乖仔嚟嘅,又讀間幾出名嘅學校,不過依家唔似林家棟。」

Crystal將於7月21日過33歲生日,她表示之後會飛到法國出席戲劇節,到時會與朋友過埋生日。她又謂今次帶埋泳衣到法國,又練定腹肌,打算到時可以去沙灘曬太陽。問到如果當地有天體沙灘可會去?她即謂:「會啊!(但你都要除晒衫?)如果大家都唔着衫嘅話我夠膽啊,不過都係唔好啦,法國女仔身材咁好又咁高大,佢哋會以為我係小朋友,我咁細粒。」問到可會想在當地識個法國型男?她笑言:「勁想,所以我先買泳衣同埋練腹肌咋嘛!(特登去溝仔?)唔好咁講,係見識下世面啫。」

----------------------------
東網巨星開咗ig喇,大家快啲follow啦!
 https://bit.ly/2JjSVcr