【日捱夜捱】殘爆江欣燕鬼祟揀阿婆Bra
20180714
東網電視
更多新聞短片
江欣燕趁得閒去行街！
現年51歲的藝人江欣燕，早前為拍劇花了5個月時間減肥，包括戒糖、戒酒及澱粉質，成功回復106磅的少女身段。雖然她成功減磅，但最近就忙於為無綫新劇《十八年後的殺人告白》開工，似乎捱出一雙超級「熊貓眼」。
日前下午3時許，不用開工的她，單拖駕車離開深井寓所前往元朗一個屋苑。她將座駕隨意停泊在街頭，然後步往附近餐廳開餐。雖然她已戴上帽及眼鏡，但大大個黑眼圈仍清晰可見。逗留約半小時後，她埋單走人，之後再駕車到元朗市中心行街。由於當時人來人往，未知是否怕「真面目」嚇親街坊，她即戴上口罩遮殘樣，仲不時頭耷耷，當途經一些街邊檔時，更突然師奶上身走埋去睇阿婆Bra，甚至攞上手研究質料，但最終齋睇冇幫襯，之後轉逛附近商場。
另一日，江欣燕出席活動後駕車返回寓所附近的櫃員機撳錢，之後見她返車取環保袋去超市買餸。當日化行妝的她，沒有再遮遮掩掩，未幾見一名男職員為她捧住大箱餸菜步出。她將戰利品放回車尾箱，然後獨自駕車回家。
----------------------------
東網巨星開咗ig喇，大家快啲follow啦！