同黃建東媽咪撞樣?龔嘉欣:可能失散咗

2018年07月14日 02:04
東網電視
更多新聞短片
黃建東媽咪與龔嘉欣(右一)又真係有啲似樣啵!

藝人黃建東(Derek)日前出席「勁食王名人明星賽」,最終不負眾望贏得冠軍。他表示第一次參加勁食比賽:「比想像難,唔好睇我平時為食,其實係幾辛苦。」活動上,黃媽媽亦有現身撐場,她表示最初得悉兒子參加比賽,坦言感到擔心:「知道佢最近好努力跑步減肥,我驚佢食得太過分,所以特登嚟𥄫住佢。」而Derek事前亦特登帶媽媽去買靚裙同整頭扮靚靚,認真Sweet爆!

Derek不時在社交網甫溫情母子相,而黃媽媽最近獲網民大讚靚女,甚至提議她去拍戲,更被稱為「翻版龔嘉欣」!而真.龔嘉欣得悉後不但沒有介意,更在黃建東IG留言:「可能失散咗。」Derek回應:「Hello my失散家姐。」最後龔嘉欣表示:「我應該係細妹喎。」