全靠阿女一句話 黃百鳴有碇重演舞台劇
20180714
東網電視
更多新聞短片
父女拍住上，掂晒啦！
三度載譽重演的戲曲舞台劇《一代天嬌》，將於7月19至22日假香港演藝學院公演一連五場，劇中主要演員黃百鳴、麥嘉及蘇春梅齊齊接受專訪，自爆舞台劇得以重演、兼有「最佳」場地，全賴黃百鳴女女黃漪鈞的一句話︰「好好睇喎！不如再安排一次喺市區演出啦！」他解釋事緣於第二次公演時邀請了既不喜歡睇粵劇、又不喜歡睇舞台劇的仔女去觀摩，意想不到他們會留至散場，甚至參與騷後討論活動︰「為咗要應酬爸爸先嚟，諗住Say完Hi就Bye㗎啦，點知佢一睇就睇晒，之後仲主動搵相識嘅人喺演藝Book好今次演出日期。」言談間滲透對女兒的感謝，又謂希望現今年輕人可多接觸國粹文化，從中理解箇中精髓，繼而產生興趣。
麥嘉背台詞投晒降
同時身兼編劇的麥嘉，透露每次再公演劇本上都有微調︰「話舞台劇係十年打磨一齣戲，原來係真嘅，有人話春梅姐係紅線女徒弟，可以講『紅腔』係點樣創出嚟，之後就同導演研究，就將呢樣嘢加入咗劇本，又好睇好多豐富啲。」他續指還將某些對白改變成「唱歌咁」，是一個大挑戰，不過對麥嘉的另一個挑戰就是背台詞，又謂冇「貓紙」睇，投降笑謂︰「舞台劇節奏太快啦！唯一嘅方法就真係死記難背，依家都有信心嘅！」
蘇春梅演師傅紅線女有壓力
蘇春梅身為紅線女的得意門徒，問到於劇中飾演恩師可會感到壓力？她直言都有，但對比起之前兩次演出有減少到︰「觀眾嘅反應令我更加有信心，加上又有咁多位大師成日提點住，喺演繹方面就大大提高。」三位默契有再提升？麥嘉坦言必定，更大讚每位演會都好專業，一上到舞台就準確拿捏到對方的演戲節奏。問到現時排練進度？蘇春梅透露演出前必會由頭到尾綵排三次︰「愈逼近公演日期就會再緊密操練。」
----------------------------
東網巨星開咗ig喇，大家快啲follow啦！