書展奇人奇事 女神?模各出奇謀!

20180714
東網電視
更多新聞短片
咩事都會發生呀!
踏入7月除咗係一班學生最期待嘅暑假來臨,亦都係書展嘅大日子。趁住書展未到,東網同大家回顧吓那些年書展騎呢事件!
傅穎
由組合Cookies解散咗嘅傅穎(Theresa),喺2008年推出專輯寫真集,面對當時強勁對手嘅趙碩之同Angelababy等都冇有怕。Theresa喺灣仔行人天橋派postcard宣傳嘅時候,突然一陣大風吹過,吹起佢條吊帶裙,搞到露出阿婆白底褲,成功搶盡風頭,真係睇到大家都呆晒,焦點即落喺佢身上!依家嘅Theresa就專心喺內地發展,仲以拍劇為主,所以相信佢嘅一班粉絲要欣賞佢嘅劇集先喇!
鄧麗欣
憑住清純樣子,一直深得宅男愛戴嘅鄧麗欣(Stephy),喺2009年書展推出愛情小說。點知被踢爆書中有多個錯別字,33頁文字,竟多達109個嘅錯字,包括「踐踏」寫成「淺踏」、「矇矓」寫成「矇濃」等,睇到人眼都凸!雖然事後Stephy解釋因為自己用普通話拼音輸入法以致揀錯字,但呢個解釋令人難以接受,難怪當時有網民指當年Stephy本書係書展中嘅一大笑話。不過今日嘅Stephy已經唔同晒,喺電影上發展嘅佢一帆風順,演技愈見成熟,早前更憑《空手道》奪香港電影導演會最佳女主角獎項,近日喺第16屆紐約亞洲電影節,亦榮獲「亞洲新秀獎」,成為首位贏得該殊榮嘅香港影星,演技備受讚賞。
周秀娜
作為當年「寫真女王」嘅周秀娜(Chrissie),人氣爆燈,喺2009年為咗宣傳寫真,博晒命搶「峰」頭!當時喺炎熱天氣下,Chrissie派雪糕益街坊,仲親自示範舔雪糕冧fans,吸引大批粉絲支持!Chrissie嘅寫真亦非常噴血,當中佢大玩刷牙滴牙膏落胸兼滴雪糕,意識相當大膽,簡直令唔少男士硬晒,個拳頭呀!如今Chrissie已收起性感,唔再做模特兒,向演員之路進發。早前佢憑電影《29+1》獲提名香港電影金像獎最佳女主角,仲話佢嘅表現令人眼前一亮。除咗電影外,Chrissie仲參演埋無綫劇《宮心計2深宮計》,當中佢做「鄭昭儀」一角,同樣令人氣再度急升!
孫旗
2013年,?模孫旗(Keiko)就使出凸點同漏M招數,你話呢招勁唔勁先!當時身穿白色背心同喱士熱褲宣傳嘅Keiko,因服裝太貼身搞到凸點,仲要後來再出現漏M情況,令到褲子滲出一片鮮紅,場面真係相當震撼,至今大家一講起「漏M模」,都仲記得佢,睇得出佢當年係幾咁爆呀!
吳婕妤 艾美琦
前巨乳模組合AD2吳婕妤(Aily)及艾美琦(Amy),喺2013年首次推出寫真集嘅佢哋,穿熱褲小背心現身灣仔天橋宣傳,佢哋仲當眾互咀兼互摸對方胸部,咁都未夠騎呢,之後佢哋又向阿伯送吻同玩自拍,簡直非常出位!所謂「沒有最盡,只有更盡」,同年佢哋喺銅鑼灣宣傳寫真,Amy突然從心口抽出Bikini Top,Aily則除褲仔送畀男粉絲,仲逼對方聞褲仔及想將褲仔笠喺佢頭上,嚇到對方彈起,你話唔驚就假!依家Aily就淡出幕前,Amy則仍然係咁爆,近日佢仲去咗日本取景拍AV,堪稱香港第一人。