同無綫好嚟好去!林夏薇停工趕造人

20180714
東網電視
更多新聞短片
林夏薇月初離巢無綫,專心調理身體生B。
人妻林夏薇喺3年前下嫁身家億億聲嘅金融才俊莫贊生後,一邊做人妻,一邊拍劇做演員,因為多年來日拍夜拍,搞壞咗身子,加上發覺未能圓好好照顧老公同幫老公繼後香燈嘅人妻責任,一直都好內疚,終於佢完成無綫劇《十二傳說》後,事業上終於「放大假」,可專心調理身體趕造人生B。
不過唔好以為佢就此同「公仔箱」講bye bye,雖同無綫嘅合約喺7月初完咗,但佢覺得合約只一個形式、一張紙,所以待佢完成咗家庭責任後,有機會喺工作上再搏過,言下之意,即係同無綫仲係好friend,大家係好嚟好去。
其後,她接受東網訪問時表示:「係完咗約,喺呢個時候,我想將重點放喺家庭先,同埋我啲生意上面,因為我旗下公司喺天后將會開間外賣店,想留啲精力去做生意。」問她是否絕迹幕前?她稱:「我仲有啲劇集嘅宣傳工作要做,本月底我仲會出席公開活動,將來不排除同無綫以另一個形式合作。」
----------------------------
東網巨星開咗ig喇,大家快啲follow啦!