齊撐法國隊　孫耀威陳美詩睇世盃夫唱婦隨

歌手孫耀威（Eric）偕同太太陳美詩（Macy）隨明星足球隊飛到俄羅斯睇世界盃的冠軍戰，Eric說：「第一次嚟到莫斯科覺得呢度非常之乾淨，啲人好靚，仲好有世界盃氣氛，因為今晚就係決賽，好多人都着住球衣，另一邊仲有人喺度踢緊友誼賽。」問到他們支持邊隊？他坦言支持法國隊，夫唱婦隨，Macy笑說：「我支持法國。」

享受完午餐就出發到球場，Eric說：「我哋預早到球場，希望可以買多啲即場嘅紀念品，同埋之前有個閉幕儀式，之後再正式開波，今次係柴娃娃跟成團ViuTV一齊嚟睇球賽，我哋都有去紅場呢啲景點，當地啲球迷都好High，完咗球賽，我哋都係留多一、兩日玩，之後再跟大隊返香港。」

有校長譚詠麟的地方就有歡樂，阿倫率先一眾明星足球隊朋友泰迪羅賓、羅家英、汪明荃等在廣場上扮軍人搞笑操軍，但佢哋操到成個機械人咁，連佢哋自己都唔住大笑。