小方此地無銀？「真空」鄧麗欣：我祝福佢
20180716
東網電視
更多新聞短片
鄧麗欣有拖拍啦！
藝人鄧麗欣（Stephy）公開認愛台灣男團棒棒堂前成員邱勝翊（王子）後，今日出席戲院開幕活動，不用再秘密護愛苗的她顯然一身輕，以背心白色蕾絲連身裙風騷「真空」現身，全程面帶笑容！Stephy接受訪問時，更冧爆多謝大家祝福。問到男友王子是否得悉她真空上陣？她即笑謂現時接受性感程度好高：「自己都唔知真空！有打底㗎，依家啲打底打到好似冇打咁，又興透視喱士裝，自己都好鍾意着。（有人投訴？）暫時都冇。（需要過目？）唔使啦，咁樣都OK。」問會否視王子為結婚對象，她說：「暫時唔講呢啲嘢啦！」提到舊愛方力申揞面話「唔好提」，她笑住回應：「佢都唔係答呢個問題，佢搞笑啫係咪呀？」再講到小方與神秘女子睇波一事，Stephy戚眉反問：「此地無銀？我唔知呀冇睇，學佢話齋佢嘅嘢問番佢啦！（佢都有祝福你喎！）多謝！我都祝福佢！」問到認愛後有否王子再傾過？她表示沒有：「希望感情嘅嘢唔好擺太高，大家都想專注工作上，唔想影響對方。」
提到好姊妹吳雨霏（Kary）於6月底生B，她興奮指現今仍未去探望，都想Kary多點休息，但已約定一至兩個星期後會單自去探B：「如果約齊其他姊妹都唔知要等到幾時。（Kary有Send BB相你睇？）只係睇過啱啱出世嘅相，留番探B再睇。」
----------------------------
東網巨星開咗ig喇，大家快啲follow啦！