东方日报C2：袁伟豪全裸宣战　雕拦写真女

无綫“型男”袁伟豪得到不少女观众欢心，集靓样与Fit爆肌肉于一身，继在剧集中“晒股”后，今日会杀入书展，推出的纯影集有“全裸”及激凸泳裤Look，实行以最激一面硬撼写真女。

艺人袁伟豪（Ben）Body线条靓、肌肉又均匀，今年更代表男士加入书展写真战，自资六位数字推出纯影集，更与团队到印尼峇里拍摄。除了激凸泳裤照、生活及工作写真外，相集还会以全裸为终结，“激”斗一班写真女将杨思琦与松冈李那等，而收益将拨捐行善。

差啲畀人影全相

今次推出纯影集，Ben指一来纪念入行20周年，二来亦完成多年心愿：“其实十年前已经想出，但当时状况有啲吃力，依家个人大咗、多咗好多经历，天时、地利、人和下促成今次成事，都系命运嘅安排。”虽然相集离不开商业元素如泳裤照，但并非纯粹骚肌，他说：“本相集记录咗呢两、三年嘅生活点滴同工作写照，当中仲有宝儿（女友张宝儿）客串演出，但冇正面出镜，全部都系啲Wideshot，背面同侧面交代。”

问到相集还有甚么卖点？Ben才自爆尾段会以一张全裸相作结：“其实系有意思嘅，系人生嘅睇法，都几激！我哋BB仔嚟到呢个世界时乜都冇，当我哋走嗰日都系乜都带唔走，我用呢幅相嘅意境同文字去交代作为相集嘅终结。”又爆出拍摄时的虾碌事：“咁啱影全裸照个景点，系印尼出名嘅海滩，所以好多人，仲有人喺度影婚纱照！当时我搂住毛巾，谂住一除就影，点知影完转头已见后面啲人举起手机想自拍，惊影埋我即刻遮住前面。”至于会否为女友影水着写真，他坦言不介意：“最紧要成件事做好啲，将来摄影技巧再高啲先！”

张宝儿一句话促成事

全程陪影的宝儿接受访问时坦言，支持男友推出相集：“上年尾佢同我讲有个愿望，就系出本相集，我当时轻描淡写咁话：‘咁出啰！’跟住就去筹备！我都好锺意呢本书，传递嘅唔单止系相嘅美感，仲有一种有讯息嘅生活态度！（畀Ben操刀帮你影写真？）我成日都叫佢，佢唔得闲之嘛！不过佢真系好锺意影相。”

更多新闻，浏览东方日报网页：

http://orientaldaily.on.cc/