有誠意!Jase@C AllStar自費出書教搵食
組合C AllStar成員何建曦(Jase)今年於書展推出三本作品,包括兩本飲食書及一本哲學書,當中兩本飲食書共花三年時間籌備,全部自掏腰包搵「好西」,冇廣告成份,他說:「所有嘢係我嘅personal choice,冇sponsorship,由上年11月到今年5、6月不停飛,分享地道、當地人先識嘅餐廳。(使咗幾多錢?)唔好計,計就傷心,哈哈!希望銷量好賺番旅費。」問到隊友會否前來支持自己?Jase指他們通常會驚喜現身:「如果唔嚟支持嘅就正衰仔!」而哲學書則與兩位好友Oscar及Douglas合作推出,他表示7月22日會聯同他們在場內舉行簽名會,與書迷互動。