【重要事講3次】怕醜陳展鵬想娶單文柔
20180720
東網電視
更多新聞短片
睇嚟展鵬對呢段感情好有信心喎！
向來低調戀事的藝人陳展鵬，去年激罕公開承認情歸女友單文柔，及後人前人後均恩愛無比，更首度承認有將女友「私有化」的計劃！對於近年是非纏身，他樂觀指是學習過程，做好自己最重要。
前年以大熱姿態奪「視帝」的陳展鵬，最近在熱播劇《天命》中挑戰奸角「世紀大貪官」和珅，他表示要跳出框框作多方面嘗試︰「如果想繼續行得更遠就要試多啲，今次呢個角色夠晒立體，節奏同張力都唔同，好Surprise有回響係話令觀眾睇完有興趣了解更多。」講到拍攝該劇頻頻受傷，他苦笑自嘲時運低︰「後生嘅時候就用條命去搵錢，到老嘅時候就唔希望用錢去搵番條命。」
「唔想拍完拖受傷」
不過，即使「老來」情況如何，愛情事業兩得意的他一直有佳人相伴，至去年公開與落選港姐單文柔的戀情，無論公私場合都經常「糖黐豆」孖住出席。他自認不是初出茅廬的「?仔」，當中都有「失敗」過：「如果唔係就已經結婚生仔。」雖然眼見行內有好多「山盟海誓」的一對對，但之前對戀情有所保留是因為怕成生命中的「烙印」：「唔想之後有雜誌拎你張相出嚟，唔想打擾、影響人哋家庭。」
問到現時為愛打破「規則」，是否視單文柔為合適的另一半？他笑着說：「後生時覺得過程重要啲，但年紀慢慢大，希望係有個結果。」追問是否有結婚計劃？展鵬害羞地三次回答「梗係有啦」，又說：「都唔想拍完拖大家會受傷，如果唔係做男人就會覺得好失敗。」看來對戀情打下強心針！
「最緊要問心無愧」
除了戀情成焦點，他也一直是非纏身，展鵬表示雖感壓力，但同時指是學習過程：「最緊要問心無愧，慢慢學識點樣面對，但有時真係會犯錯，之後就要檢討，下次唔好再發生。」講到早前因租務糾紛而意外受傷的媽媽，他感激朋友和親人關心：「搵緊一個好嘅方法醫治，依家冇生命危險，慢慢康復中，呢段時間可以放假照顧佢，但接落嚟都準備再開戲。」
髮型：Bowie Lo@FIFTH SALON
化妝：Jennifer Yip
----------------------------
東網巨星開咗ig喇，大家快啲follow啦！