李幸倪醒貼士　麥家瑜恨今年搞個唱

歌手麥家瑜（Keeva）和李幸倪（Gin Lee）於Mira Place出席《Gimme LiVe》音樂節，並擔任表演嘉賓。Keeva透露今年入行十年，正籌備舉行首個演唱會，希望與歌迷一同唱歌，屆時最想請父母出席，她說：「想請父母嚟睇，講畀佢哋聽我好開心，唔使擔心我，父母事無大小都擔心。（擔心你搵唔到食？）都係，想我所有嘢都穩定。」她說希望可以盡快事成，地點大小不是問題：「粉絲同我都好急，大家心情都好興奮，就好似約咗食飯都想快啲。」她又說Gin早前的演唱會令她非常感動，喊了幾次，Gin即時給予貼士說：「除咗歌要練熟，體能最重要，綵排預計唔到，可能綵排到凌晨3點，第日就要做騷喇！所以最好體能要至少半年前操練。」