傳同吳亦凡嗌交！鄧紫棋嬲爆掟水樽

歌手鄧紫棋（G.E.M.）為內地節目《中國新說唱》擔任導師而成為熱話，更有指G.E.M.同另一位導師吳亦凡喺錄影期間起爭執，G.E.M.仲嬲到怒掟水樽。呢日G.E.M就喺社交網發文指唔會太在意負面評論，仲表示好多嘢都係節目效果：「這世界有那麼多人需要真正的幫助，我們還在意黑不黑這問題嗎？更何況也就只是因為大多音樂節目後期都會修音、剪輯…其實我們都明白節目效果這四個字…所以真的不用太擔心！」其後佢又以「凡哥」稱呼吳亦凡，並表示對方會送花生醬畀佢做手信，力證二人關係友好。