陳凱琳8.12結婚　老竇笑晒口咁講

藝人鄭嘉穎與陳凱琳（Grace）下月在外地低調結婚，今日有指二人將於8月12日到峇里舉行婚禮。婚訊傳出後，嘉穎與Grace一直未有露面。傳媒在Grace位於九龍塘的寓所守候，下午接近1時，她的父母拖住手離開寓所。

問到女兒的婚禮是否在8月12日於峇里舉行？陳父笑笑口表示：「佢哋嘅嘢我哋唔知。（結婚人生大事喎？）遲早嘅事。（陳凱琳唔喺度住？）佢一早出咗去囉。多謝晒，多謝你哋關心，今日又曬又落雨。」而陳母就笑到四萬咁口，心情勁靚！