《解決師》凌晨攻陷麥記　搞麻甩佬飯局？

無綫新劇《解決師》最近正式開鏡，當中有主角王浩信、唐詩詠、馮盈盈等人腳，不過除咗佢哋，仲有一班麻甩型男都有份拍攝，就好似黃嘉樂、衛志豪、李天翔、戴耀明、莫家淦等，今日凌晨繼續拍嘢嘅佢哋，仲一行十人攻陷麥記添！

今次以黑道中人Look拍攝嘅黃嘉樂同衛志豪等人，喺今日凌晨三點「相約」尖沙咀麥記，見佢哋嗌晒嘢食等開工，十個麻甩佬仲嚟個齊人自拍，嗰陣男人味湧到出Mon，佢哋仲自爆成班人等到凌晨4點40分正式宣布「摸和」，之後又齊齊將自拍放上社交網瘋狂洗版！拍劇拍到日夜顛倒，雖然成班大男人啫，都咪話唔攰呀……