睇好竜惺 元彪:畀李小龍一腳打到飛起

20180730
東網電視
更多新聞短片
元彪與萬希泉創辦人沈慧林在東京出席活動,大談與李小龍的一段情。
武打巨星元彪與萬希泉創辦人沈慧林和萬希泉日本董事中川煇等到日本東京出席萬希泉與李小龍會合作嘅新錶發布會,為紀念李小龍逝世45周年。問為何會在日本舉行發布會?沈慧林表示日本藝術大師兼HANDA Watch World創辦人深見東州非常喜歡武術文化:「今次會舉辦兩次發布會,分別邀請咗元彪同甄子丹做嘉賓。雖然兩場活動只係隔三日,但因爲我有嘢做,中間都要飛一飛返香港先再返日本,分秒必爭。」適逢7月27日是元彪嘅61歲生日,深見東州安排了富吉祥寓意嘅食物替元彪補祝生日,更即席揮毫,於畫冊上繪上富士山送給元彪作紀念。
籌拍《七小福》迎接60周年
當日元彪穿上唐裝出席活動,更與「迷你版李小龍」今井竜惺同台交手,二人擺出對戰姿勢對峙,元彪大搞氣氛,向竜惺雙手合十、跪地求饒,場面搞笑!元彪在網上看過竜惺的短片:「我覺得佢將來一定會成才,成為武術、功夫界接班嘅日本人。」
他又透露現正忙於籌備《七小福》電影:「因為下年係『七小福』60周年,其實我喺50周年嘅時候已經想拍呢部電影,同香港、中國,甚至全世界嘅人講我哋細個係點樣學功夫,點樣刻苦。叫小朋友唔好氣餒,要有信心同恒心。」
談及年輕時與李小龍合作的經歷,元彪坦言對方是自己的偶像,有機會與其合作實在與有榮焉:「我同佢一齊合作最幸運嘅係,第一係企喺佢旁邊,第二係畀佢踢一腳,畀佢一腳打到飛起。」
----------------------------
東網巨星開咗ig喇,大家快啲follow啦!