傳辦離婚手續！周迅高聖遠四年婚姻玩完？
20180731
東網電視
更多新聞短片
文化差異真係好難跨過。
現年43歲內地藝人周迅於2014年與48歲美籍華裔演員高聖遠結婚，婚後因工作關係經常分隔異地，不時傳出佢哋婚變嘅消息，雖然二人多次否認，但傳聞從未停過。近日有指佢哋已經辦緊離婚手續，只差最後簽字作實一步！
由客觀資料分析，周迅喺內地長大，高聖遠喺美國生活，二人由語言到生活習慣及文化差異都非常巨大，當日周迅露口風有意結婚時，身邊朋友已經提醒佢呢段婚姻會好難維持！有指婚後問題陸續浮現，佢哋盡過力去挽救，高聖遠更有一半時間居於台灣「住近」周迅，不過努力最終都係徒然。
約兩年前男方希望大家分開思考吓係咪可以再一齊走落去，當時各自展開「新生活」，高聖遠不時夜蒲不愁寂寞，而周迅喺呢段時間多咗位知心友，佢就係王菲女兒竇靖童，只要童童一有時間，都會去陪實周迅，就算過年，都會孖住返周迅老家探親！經歷咗兩年嘅分居期，雙方都發現就算冇咗對方生活都好正常，所以佢哋終於下定決心做埋最後一步手續，就係搵個時間一齊返去杭州，即當日登記結婚嘅地方簽字離婚。
----------------------------
東網巨星開咗ig喇，大家快啲follow啦！