樂隊After 10夾Band設兒童遊樂園
20180801
東網電視
更多新聞短片
After 10三子阿偉（左起）、阿康笑言為阿豐湊仔，享受「天倫樂」。
樂隊After 10到電台宣傳新歌《朝幸福前行》，成員阿豐指MV由3歲兒子「花生仔」的成長片段剪輯而成：「本來想拍到好似泰國、韓國嗰啲咁催淚，但搵咗幾個導演都夾唔啱啲期，搞咗半年，好困擾，就喺我手機搵BB片，依家效果仲好。」
他指歌曲為在職的父親發聲，不少人都讚媽媽，其實爸爸亦好盡力：「我擺喺個心度，老婆成日話我冇乜做，我要搵食，返嚟又要畀佢敲詐，痛苦不堪，不過為咗佢哋開心，我就吞咗佢啦！」
另一成員阿偉表示有幫忙湊「花生仔」，減輕阿豐兩公婆負擔。主音阿康笑言Band房現在有個細小的兒童遊樂園：「阿豐會帶埋小朋友嚟，我哋都少咗時間練習，Band房好似變咗Playgroup咁，夾夾吓Band會有Bubble（吹波波）飄過！」問可會出騷？他們坦言比較少，希望明年可以開成立5周年騷，而今年就會推出3首歌。
----------------------------
東網巨星開咗ig喇，大家快啲follow啦！