Miss Hunny激罕晒水着 因為唔想...
網絡紅人兼魔術師Miss Hunny向來行有趣搞笑路線,甚少公開性感照,早前她在書展推出旅遊書,笑言不怕被其他寫真女模搶鏡,講笑自誇「身材冚唔住」!Miss Hunny近日就喺網上騷Quali,激罕公開幾張冇修正爆血泳裝照,引起網上一陣哄動,相中Hunny騷前又騷後,Fans為之嘩然,讚她「禾稈冚珍珠」。
Hunny受訪時表示最近到了華欣遊玩順便拍片:「因為酒店太靚,忍唔住影相,本身有件衫喺外面,但又覺得泳池着泳衣好合理,趁未變肥婆之前影影佢,可能加上拍完《Miss Hunny魔法請柬》同做完後期,心情特別輕鬆啩。(點睇網友評語?)大部分人都覺得我係飲大咗,都多謝唔少人稱讚,又多咗好多男士inbox我問『be friend, ok?』,係開心同搞笑嘅。(轉行性感路線?)又點會出幾張相就轉到路線,不過開始諗觀眾睇我着西裝變魔術嘅時候,會唔會諗緊內裏明媚嘅風光。」不過,Hunny又預告最近努力Keep Fit,若練成好身材有機會再騷Body,大家做定心理準備喇!
----------------------------
東網巨星開咗ig喇,大家快啲follow啦!