吳卓羲問黃宗澤：唔怕同陳嘉桓一齊住？
20180803
東網電視
更多新聞短片
吳卓羲同黃宗澤一唱一和。
藝人黃宗澤（Bosco）與吳卓羲為無綫節目《美女廚房》任嘉賓，剛於西班牙拍攝綜藝節目的Bosco，表示每日應付近20小時的拍攝，令其大感疲累，問到酬勞是否很可觀？他卻笑住否認，再問到離港期間，緋聞女友陳嘉桓可有上門幫他執屋？Bosco謂：「咁我有請傭人姐姐。（佢今晚上節目挑戰廚藝？）唔係啩，我都唔知喎！（事前冇同你講？）冇喎！」在旁的卓羲卻抵死加入戰團：「有都扮唔知啦！」雖然Bosco表示不介意與陳嘉桓同台演出，但吳卓羲繼續入位問道：「咁一齊住呢？」Bosco聞言即拿訪問咪襲擊吳卓羲，並笑罵他：「死仔！」場面惹笑！
兩人更一唱一和講不停，曾於上輯任過嘉賓的Bosco，不諱言對當年試食的感受難以忘記，他謂：「嗰篤鴨屎綠色嘢同臭味，今次應該唔會衰過上一次。（有冇食嘢打定底？）唔食啦，盡量令自己餓啲，感覺上會好食啲，會睇到熟先食。（全部都唔熟㗎喎！）咁有啲淆囉！」而同樣做過嘉賓的吳卓羲，亦笑指試食後不多不少也肚屙，今次獲邀任嘉賓時，亦被告知預定食生嘢，故自己也預料食物唔熟，問到可知哪幾位藝人現身挑戰廚藝？Bosco笑指大會一直很神秘，從未透露嘉賓名單，所以今次可謂「送死」，更謂：「都幾期待佢哋煮乜，知其中一味難搞啲，我哋會有生命危險，所以真係要叫定白車。」
----------------------------
東網巨星開咗ig喇，大家快啲follow啦！