ViuTV節目《Good Night Show廣告女皇》監製楊任豪被問節目有何準則？他直言：「鬆啲，樣貌冇一定，希望佢哋有多啲自己想法，古靈都得，愈尖銳愈好，因為選美係有模式，未必睇到參賽者真正面目，呢個係真人騷，會選20個出嚟！」又指收到過千份的申請表示，將分成三日約見300人！」

談到不少參賽者都有幕前經驗，他表示面對鏡頭會較好，望節目可發掘更多不同類型的人，不論樣貌、性格都一樣重要，至於可會找星級導師？他表示：「搵緊，好似倪晨曦咁，佢好成功，想佢可以分享吓經驗！」又指參賽者將會接受為期三星期的培訓，預計節目將會在10月播放，接《Good Night Show全民造星》的檔期！