東方日報C1：狄龍開懷！譚俊彥五劇擔正爆忙

從內地回流香港發展的譚俊彥，在影星爸爸狄龍暗助下簽約成為無綫「親生仔」，肯搏肯捱的他獲無綫高層曾勵珍賞識，擔正劇集一部接一部，成功「入屋」！角色形象霸氣的他，現實中卻是「小彥子」，湊仔女、拎重嘢，餵埋太太吃飯妥妥貼貼，絕對是愛妻號兼仔女奴！

影星狄龍與太太陶敏明育有獨生子譚俊彥（Shaun），以嚴父見稱的狄龍曾因過激育兒法，與Shaun產生隔閡，早前兩父子在節目中深情對話，冰釋前嫌。早年北上發展的Shaun，2016年因太太任祉妍懷孕而決定回流香港，而為仔籌謀的狄龍暗地發功，Shaun加盟無綫成親生仔，更成為高層曾勵珍的愛將，一簽約便與視帝陳展鵬孖住在《天命》做雙主角。

Shaun加入TVB後相當搏命，兩年來幾乎沒有休息過，除了《天命》，還接拍《特技人》、《包青天再起風雲》及正在拍攝的《十八年後的殺人告白》，令一手提攜他的曾勵珍相當滿意，仍忙於拍攝《十》劇的Shaun，亦已經答應演出為梅小青監製、無綫經典劇集系列《法證先鋒IV》，繼續做男一！

孭飛劇接連播出後，Shaun知名度大增「入晒屋」，商演與廣告紛紛招手，據知他將與李佳芯北上登台搵真銀，目前亦在洽談數個廣告，收入愈來愈好。

天倫樂一手抱一個

不論是《天》劇的皇帝或是《特》劇的特技人頭目角色，Shaun都形象霸氣，不過在現實中就溫柔得多！日前他被拍得與妻兒行街食飯，由「霸氣王者」化身腍善「小彥子」，見他左手抱大女右手抱細仔，讓平日負責照顧子女的老婆抖抖，又不時錫錫前世情人，相當肉緊！曾經歷「冇錢交租」日子的Shaun，收入改善但未見「大使」，一家四口步入減價的運動店，為囡囡選購及穿鞋仔，見囡囡鍾意即去埋單。親子Shopping後一家人轉往餐廳，兩公婆分工合作各湊一個，Shaun照顧囡囡之餘亦不忘餵湊兒子的太太食飯，認真Sweet！之後安頓好囡囡，再將細仔抱到大腿上哄，讓太太食啖安樂茶飯，絕對是愛妻號！

擔大旗：唔衰得！

而昨午譚俊彥於長沙灣出席新劇活動，期間感性地說：「套劇台前幕後都好新，擔大旗經驗少，大家好落力咁去做，唔衰得嘛！套劇啱啱拍完一年，到依家我哋嘅群組不時叮叮叮咁響，仲有好多話題。」

更多新聞，請瀏覽東方日報網頁：

http://orientaldaily.on.cc/