打本畀女友開舖！黃德斌同「神」勁有緣
20180809
東網電視
更多新聞短片
點解同神有緣？
現年55歲嘅黃德斌參加無綫電視藝員訓練班出身，但喺1993年未獲續約至1997年再重返無綫，其後佢參演長篇劇《真情》開始令觀眾留下印象。之後德斌多數擔演男配角，包括經典劇《妙手仁心》、《金枝慾孽》、《珠光寶氣》、《心戰》等，2006年更憑劇集《火舞黃沙》中「宋東陽」一角，奪得《萬千星輝頒獎典禮》最佳男配角，演技備受肯定！
如果要數其代表作，一定係2011年神劇《天與地》，雖然當年收視一般，但話題性十足，其主題曲《年少無知》唱到街知巷聞，最後佢仲同另外兩位拍檔林保怡及陳豪憑此曲橫掃樂壇頒獎禮！
去到2014年，德斌喺劇集《刀下留人》首次擔正做男主角，套劇同《天與地》一樣獲網民封為神劇「贏盡口碑、輸咗收視」，睇嚟同神好有緣喎！而喺2017年10月，佢宣布離巢外闖！除咗拍劇，佢仲拍過多部電影，喺多年前仲接拍人生第一部三級片《聊齋三之燈草和尚》做男主角！
德斌雖然高大又有型，係唔少女仔鍾意嘅類型，但係佢用情專一絕對係緋聞絕緣體，多年嚟只有一個女友Joyce Wong！佢仲非常愛錫女友，幾年前仲打本十幾萬畀愛人喺尖沙咀開時裝店，「老闆」仲會閒時落舖幫手，形象Cool爆但其實係一個暖男，真係Sweet到爆呀！
----------------------------
東網巨星開咗ig喇，大家快啲follow啦！