【囡囡錫晒細佬】李蘊生仔快到佢唔信!

2018年08月11日 15:26
東網電視
更多新聞短片
李蘊生咗第二胎啦!

今年27歲的李蘊於8月8日誕下麟兒,跟2歲大的囡囡羅紫晞(晞晞)湊成一個「好」字,真是可喜可賀。李蘊接受東網訪問時,她說囝囝尚未改名,全家暫時叫囝囝做「細佬」,問到囝囝出生時的磅數,跟家姐出世時一樣都是3.2KG重(約7.05磅),她說:「我都覺得神奇,本來照超聲波時,醫生話囝囝應重磅啲,但一生出嚟就係3.2KG,我都覺得幾搞笑呢兩姐弟。」問到晞晞可有錫弟弟?她又說:「生囝囝時,囡囡同媽咪都喺產房外等我,只得老公可以陪住我生,同細佬返到屋企,晞晞不停摸細佬個頭、手同面,又要錫細佬,又話要抱佢。」

至於生產過程,她說順產過程好順利同好快:「上次生囡囡都痛咗成12個鐘,今年只係痛咗3個幾鐘,不過痛嘅程度就大好多,我諗係因為個度數開得太快,我見醫生入嚟,都問『吓,咁快?』醫生推幾推,就叫我屙個BB出嚟,佢再推幾吓,BB個頭就出咗嚟。我同老公都好開心,冇上一次咁緊張,不過都好期待,因為生女同生仔嘅感覺係唔同。」

談及自爆做產檢時,話BB臍帶纏頸,她說是小問題:「生之前都有呢個問題箍咗一個圈,但順產,箍一、兩個圈都冇問題嘅,只係生時要配合醫生就得,唔好一次過生出嚟,即係生咗個頭出嚟要停一停,醫生幫BB解咗條臍帶,再生埋個身出嚟。」她又說囡囡食全人奶食到歲半,故囝囝都會以同樣方法餵哺,她表示:「我好有信心就到餵全人奶。」

----------------------------
東網巨星開咗ig喇,大家快啲follow啦!
https://bit.ly/2JjSVcr