Cheronna演唱引Fans包圍中環碼頭

2018年08月11日 15:36
東網電視
更多新聞短片
Cheronna最近唱歌又拍劇,工作忙碌。

歌手吳嘉熙(Cheronna)及羅凱鈴(Judas)今日現身中環碼頭室內位置出席活動,吸引大批Fans停留欣賞,場面墟冚!Cheronna興奮指是首次以歌手身份玩Busking:「之前仲係夾緊Band嘅時候喺尖沙咀玩過兩次,都係自己衝出去,今次就會唱4首歌,有一首仲會係自彈自唱。」

講到最近不時演員、歌手身份兩邊走,她表示非常樂在其中:「鍾意用唔同身份周圍走,今晚劇集《Plan B》會喺網上播另一個結局,連我都未睇過。(尋晚同同劇演員睇,今晚會同男友黃奕晨睇?)要同佢追番之前嗰啲睇先。」她又笑言要幫男友澄清一事:「佢係有讚我做得好㗎!」

講到之後的工作安排,Cheronna表示現時都Keep住與Super Girls其他成員練第二首跳舞歌,又透露月尾會推出另一首Solo歌,至於戲劇方面,她就話正等待好消息:「拍完《Plan B》發現自己嘅經驗唔夠,都要儲吓經驗。」

同場Judas就透露大約9月會推出新碟,當中收錄2首創作歌:「仲會揀啲翻唱歌,依家都錄緊音,入錄音室嘅感覺好新鮮,唔同平時Busking嘅感覺。」及後講到9月初到澳門舉行Fans Meeting,她表示好難得,可以同澳門Fans近距離接觸。