試過起繭!林泳淘打到「手機手」要針灸

2018年08月11日 16:30
東網電視
更多新聞短片
估唔到林泳淘咁鍾意打機。

藝人林泳淘(Wingto)、鄭俊弘、戴祖儀、黃碧蓮與麥凱程到銅鑼灣出席big big channel《夏日VR明星決戰》活動,與市民大玩VR遊戲。

身為電競隊成員的Wingto玩得有模有樣,反觀黃碧蓮雖然勁投入,但手忙腳亂不斷尖叫。Wingto受訪直言非常鍾意打機:「不過我玩開冷靜啲嘅,用手機玩。(捽到手指痛?)試過揸手掣玩到手指起繭,早前仲玩到有「手機手」,去咗做針灸。(補吓眼?)打機都傷神,有啲人工作空檔會打,我收工都冇精神打啦。」問到男友是否要識打機?她笑說:「完全冇需要,係好個人嘅興趣,唔阻我打機就好開心。」

提到余德丞在深切治療部留醫,Wingto表示有合作過:「當晚見到新聞有朋友探佢,都有問番佢咩情況,佢係好運動型、陽光嘅人,有一直留意佢新聞,希望佢早日康復。」