老夫少妻點相處?專家何慕詩話最緊要...

2018年08月11日 23:45
東網電視
更多新聞短片
何慕詩(右)話要學識珍惜同埋感恩!

陳凱琳與鄭嘉穎年齡相差22年,其實近年來社會都有不少「老夫少妻」的例子。專業性治療師及兩性關係輔導員何慕詩,表示一般老夫少妻都會隨着相處時間漸長,而發現對方與自己的習性截然不同:「通常一開始,女嘅會覺得男嘅有人生經驗、成熟穩重、事業有成、能夠保護自己;男嘅會覺得女嘅有青春有活力,同佢一齊會有回春嘅感覺。但當時間耐咗,所有優點都習慣咗嘅時候,女方開始會嫌男方太保守冇新意冇刺激,成日以『為自己好』嘅名義管住晒;男方則會覺得女方太幼稚唔識諗,唔成熟唔識照顧自己,花太多時間打扮唔實際。」

問到如何磨合及維繫夫妻關係,何慕詩建議雙方應作自我檢討,反思這段關係的得着,學懂珍惜感恩,並應多作心靈上的溝通,讓對方明白自己的所思所想,她續說:「要維繫就一定要體諒,欣賞大家嘅不同之處,同時吸取對方嘅優點一齊進步。」並指男女雙方均需包容,接受大家的不完美。提到「老夫少妻」於生理上面對的問題,何慕詩指女方需要接受伴侶可能較自己更早離世,她說:「一般而言年紀較大嘅一方多會先離開人世,或相對會年老體弱多病,所以女方決定一齊前應先有呢個概念,要自問真心承受得起,照顧對方。」

至於問到閨房的注意事項,何慕詩指男女雙方體力及性需求不一,需互相配合:「女方要注意男方體力,不能過度縱欲,性愛應以享受為主,而並非目標為本(高潮)。男方若發覺自己力不從心,不要勉強,可以嘗試運用多啲創意,用不同方法滿足女方。」她又建議夫妻間多擁抱及親吻,讓大家感受到愛及安全感,並強調若有問題應向專業人士求助。