頂級幕收千萬片酬 張叔平鮑德熹受牽連

20180812
東網電視
更多新聞短片
今次幕後張叔平(上圖)、鮑德熹(下圖)都受牽連。
內地演藝圈自爆出「陰陽合同」後,演員們的天價薪酬備受關注,原來除咗幕前人工有天價之外,就連幕後嘅人工都唔少嘢,有指香港頂級嘅美指喺內地做一套劇,每集可以收過千萬人仔,頂級攝影師一套電影收近六百萬人仔,編劇人工都唔低,平均計一集劇本收十萬人仔,百集長劇咁就收到過千萬人仔,就連「茶水阿姐」都身價飆升,喺內地平均一個月收入過萬人仔!
據內地消息顯示,金牌美術指導張叔平一部電影的片酬收600萬人仔、劇集收1,000萬人仔;奧斯卡最佳攝影嘅鮑德熹片酬1,000萬人仔,不過這只是部分頂尖級工作人員的薪酬,但有圈中人解釋,佢哋呢個收費係包埋成個團隊計算,美術團隊、攝影團隊,據悉,鮑德熹仲包埋攝影器材添!
不過呢啲情況可能會消失,因為中共中央宣傳部、文化和旅遊部、國家稅務總局、國家廣播電視總局、國家電影局等聯合印發《通知》,要求加強對當下影視行業存在的如天價片酬、「陰陽合同」、偷逃稅、不遵守合約等問題推進依法納稅,指嘅唔單止係幕前,就連幕後所有工作人員都要跟足新規則,所有收入支出數目要分明,實報實銷之下每個人都要獨立報稅,不能再以製作公司代為統一報稅,相信往後天價人工嘅情況都冇乜機會出現。