Liam飛35歲Cheryl六周　速食18歲富家女粉絲

英國男子組合One Direction（1D）24歲成員Liam Payne，上月宣布與一起育有1歲兒子的35歲女歌手Cheryl分手，結束兩年情，不過分手才六星期，Liam已經速食18歲富家女兼模特兒Maya Henry！

有個律師富爸爸的Maya，原來早就是1D粉絲，她15歲時參加1D見面會，曾與Liam面貼面合照。不過上月Liam於意大利科莫湖參加時裝品牌晚宴派對再見到Maya時，已忘記曾見過這名小粉絲，但見到亭亭玉立的她，忍不住食指大動！之後兩人關係火速升溫，被拍到於法國康城齊齊遊船河。上周Liam與Maya更秘密前往倫敦寶格麗酒店共度春宵，之後隔幾小時前後腳離開，掩人耳目。

知情者透露：「Liam同Maya進展好好，Maya係個好索嘅女仔。佢哋咀過好幾次，但Liam唔急住再拍拖，亦肯定未準備好正式有女朋友。Liam依家只係專注工作，而當然佢優先考慮係個仔Bear。」

Cheryl聽到消息，相信會心碎，不過Maya如果認為自己可以成為偶像的新正印，可能也會大失所望！