男主人唔係洪卓立!30歲湯怡圓夢做業主

2018年08月12日 16:21
東網電視
更多新聞短片
吓吓吓?男主人唔係男友洪卓立?

英皇藝人湯怡及陳家樂下午到馬鞍山為珠寶店剪綵,一直家住馬鞍山的家樂謂曾揚言想做業主,但坦言「追唔切」樓價升幅:「想買番馬鞍山區,但實在太貴,可能出年先做到業主,我邊有湯怡咁慳,依家佢已經係業主。我試過自己搬出嚟住,但好快就覺得支出多,又搬返屋企。」

寫自己名

湯怡承認已於將軍澳區購入兩房單位,近日完成裝修已入伙:「呢個係我30歲前嘅願望。(同男友洪卓立一齊買?)我自己個名,男主人係我隻狗。」家樂聞言即搞笑叫湯怡租房給他:「因為我嚟緊拍無綫劇要拍到12月底,5,000蚊租一間房畀我啦!」湯怡笑答:「5,000蚊?一星期租?即刻應承你,唔係嘅話你真係要慳啲喇!」

家樂唔畀父母出街

家樂又表示不想父母到場支持:「有兩、三個伯母嚟咗支持,佢哋嘅仔仔同我由細玩到大,伯母們想買嘢,睇吓我幫唔幫到手,盡力啦。(送畀佢哋啦!)送唔起,津貼啦,其實我最驚我父母現身,咁對我嚟講工作會有壓力,所以唔准佢哋出街,直至我工作完返到屋企。(買嘢送畀父母?)買過喇,再買嘅話要老闆次次有新店開張,都要搵我嚟先得!」

--------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://bit.ly/2P37FfS