【傳緋聞唔避嫌】林欣彤Tyrese親密玩遊戲

2018年08月12日 16:28
東網電視
更多新聞短片
Tyrese好似好緊張!

歌手林欣彤(Mag)以一身全白露肩短裙,與天堂鳥出席活動。這是Mag被指是「小三」介入成員Tyrese與余思霆戀情後,跟Tyrese首度同場。期間,Mag和Tyrese的緋聞被司儀擺上枱,如兩人被叫企埋一齊合照,玩遊戲時又要分做一組,期間兩人要用膊頭及背脊傳汽球,場面有點尷尬。而Gordon及Lincoln就用嘴、屁股傳汽球,十分搞笑。

受訪時,問到兩人緋聞被擺上枱,可會感到尷尬?聲度勞損的Mag氣若游絲表示:「唔會,仲可以一齊做嘢好開心。」Tyrese亦謂不尷尬:「以前我哋都有好多機會一齊做嘢,又一齊做過舞台劇,成日傾偈。(頭先唔見你哋傾偈?)喺後台傾完嚟。」但講到今次是兩人傳緋聞後首次同場,Tyrese謂不尷尬:「因為真係冇嘢,大家當笑話。」問Mag會否不開心?她表示:「唔會,入行都有8年,經歷咗好多嘢,覺得大家關心都係好事。」問Lincoln和Gordon被搶去焦點可會不開心?他們則笑言:「所以我哋要做咁多嘢嚟搶鏡,同埋件事又唔係真,都係畀機會大家一齊工作,幾開心。」

問到Mag和Tyrese可接受以「情侶檔」接job?Tyrese表示:「唔係我決定,經理人決定。(你唔介意?)冇所謂。(有錢賺就得?)有工作、事業好就OK。」而Mag亦謂OK,有工作就好。問到Tyrese可有關心聲帶勞損的Mag?他表示:「個個見到佢咁都會關心。」Mag就謂:「我會好好照顧自己,唔使擔心。」而講到Mag早前生日,Tyrese坦言沒有送禮,亦沒有約她食飯:「上次食完飯之後唔敢再食啦。(真係唔敢?)如果又要佢蒙受誤會,冇咁大必要去冒險。」Mag亦笑言最近少與人食飯,因為她聲帶勞損,其他人要好近距離才能聽到她說話,她亦謂要好好休息養聲準備演唱會。

----------------------------
東網巨星開咗ig喇,大家快啲follow啦!
https://bit.ly/2JjSVcr