傅嘉莉搵動物傳心師睇貓:佢唔鍾意自己個名

2018年08月12日 16:30
東網電視
更多新聞短片
青雲係好名嚟!

藝人傅嘉莉(Kelly)現身元朗廣場舉行的《仲夏寵愛藝術館》,同場還有明星貓忌廉哥。提到在昨晚播出的《美女廚房》中,Kelly與沈卓盈一組在自選菜色中獲全部試食嘉賓畀十分,最後以高分勝出,問到是否放心嫁得出?她笑言:「啲嘉賓都話可以同我嘅追求者證明我係煮得。今次嘉賓有黎耀祥同黃浩然,我之前同佢哋合作過,畀分時加咗啲朋友分。今次贏咗寓意我同沈卓盈都好快會嫁得出,係今年最大嘅祝福。」

她大爆其父親一直認為Kelly不懂下廚:「佢有叫晒啲親友睇,仲話我唔識煮嘢食,一定煮得好難食,點知大家跌晒眼鏡。」

另外,身為愛貓之人的Kelly家中養有兩隻貓咪:「一隻貓仔14歲叫Bebe,另一隻貓女11歲叫Gebe,貓仔係灰白色,個樣好cool,所以我啲朋友都會暱稱佢做青雲,但佢嘅性格好似我,都係好嗲,佢係溫柔鐵漢。我之前搵過識動物傳心術嘅朋友幫我睇過,原來Bebe係超級唔鍾意Bebe呢個名,佢鍾意叫青雲。」

Kelly認為貓很有靈性,覺得自己跟Bebe有前世的緣分:「我收養佢嘅時候,佢畀人剃晒毛又好瘦,但我畀佢把聲吸引我,佢把聲好好聽,初時養佢,佢成日嘔同睇醫生,都經歷咗一段時間,後來終於知道點去照顧佢,佢已經11年冇睇過醫生,所以都好感恩。」

Kelly透露有意畫下兩隻愛貓的肖像再印成T-shirt送給貓粉,笑言如果為愛貓開社交平台,粉絲量肯定比自己多。