想揚名國際！黃致豪恨拍亞洲煮食真人騷

藝人黃致豪（前名：黃長興）到大埔超市一展廚技，將水餃及意大利粉crossover，炮製新菜式。談到自己的烹調功夫，他自認很有要求：「不時都喺度進修緊，我發覺自己喺間餐廳個廚房煮餸煮得太耐，係時候走番出幕前。心願係將外國嘅煮食真人騷拍成亞洲版，世界各地都有人識得我，咁就好開心。」

他坦言從小已跟媽媽學中菜，但長大後自己喜歡研究西餐，亦不時下廚為兒女弄南瓜及粟米等輕食。問是否想跟藝人李家鼎拜師學藝？他坦言：「都想嘅，但大家界別唔同，佢比較成熟，偏向煮中菜，我就青年啲、鍾意煮西餐，唔同路線。」

談到改名後運程，他直言：「so far so good，我啲朋友好好、會叫我新名，我都係適應中。（嚟緊工作安排點？）拍緊啲收身廣告，但我又鍾意煮嘢食，要保持唔好肥先得。」