對嘉穎初印象係怪!陳凱琳喊住講4次多謝

2018年08月12日 18:14
東網電視
更多新聞短片
Grace話好期待同嘉穎組織家庭!

藝人鄭嘉穎與陳凱琳(Grace)今日在峇里舉行婚禮,兩人在眾親友見證下宣讀誓詞,Grace在誓詞中4次多謝嘉穎,更邊講邊喊、場面感人,她說:「我好緊張,唔知講乜嘢,你講得好動人,我唔知講到點。我好記得第一次同你見面,你第一句說話係『你要多謝我,因為係我鼓勵咗個監製喺套劇用你。』」嘉穎聞言幽默補充說:「我鼓勵咗好多監製。」全場即時發出笑聲。

之後Grace續說:「當初我覺得呢個男仔好古怪,第一次見面就講咁嘅說話,估唔到我哋拍拖之後,嗰句多謝係反映咗咁多意思。多謝你,我係一個好冇自信嘅人,喺我失望、對自己好冇自信嘅時候,你一定會鼓勵我要堅強、要釋懷,難過嘅時刻會過去,要諗住將來嘅開心,每一次你都係啱。多謝你教識我做人,我同你喺埋一齊就變成我哋,我哋組織家庭之後就變成佢哋,我好期待同你組織家庭。多謝你,同你一齊好幸福,同你拍拖第一日就已經好溫馨、好有愛,雖然有啲人話過多幾年就會冇,但同你一齊嘅時候就有呢種感覺。多謝你,帶畀我永遠嘅幸福。I Love You。」