接新娘點定情歌 陳凱琳爆嘉穎行禮早已喊

2018年08月12日 18:30
東網電視
更多新聞短片
陳凱琳坦言今日好緊張。

藝人陳凱琳(Grace)今日於峇里下嫁鄭嘉穎,期間有接新娘及斟茶儀式。Grace接受電話訪問時笑指斟茶前十分擔心,她笑指:「我唔知有咩要做,佢哋叫我坐喺房度,嘉穎會入嚟接新娘,會難為佢少少咁,要畀啲誠意!」又指嘉穎到門口時令她「毛管戙」大叫緊張,她說:「我無啦啦諗到,不如叫佢唱《一千個願意》,係佢唱片入面一首歌,有一次唱K時佢唱呢首歌,我就覺得啲歌詞同我好貼切。首歌係講等一個天使出現,所以聽到特別sweet,佢亦即刻明要唱邊首,呢個對我嚟講先係誠意,好窩心!」又透露斟茶時令她覺得溫馨。

她亦透露行禮前叫嘉穎先去教堂,因為她不想讓對方見到婚紗。而當她穿起婚紗後,就心跳加速,個肚好籮籮攣。去到教堂前,她聽到音樂奏起,就深呼吸及翹實爸爸手臂:「嗰一刻我見到全部人企起身歡迎我哋,替我哋開心,我覺得一直去舖排呢件事終於成事。行到最尾時,已經忍住唔喊,但我望住嘉穎,佢已經流眼淚,估唔到佢比我早喊,我都忍不住喊!」她直言感覺超現實,好開心有好老公,期待將來幸福快樂。她亦感激出席婚禮的朋友,指婚禮準備了好幾個月,感謝大家保守秘密及從遠道而來。

----------------------------
東網巨星開咗ig喇,大家快啲follow啦!
https://bit.ly/2JjSVcr