米雪做空中飛人忙到爆　新劇做變臉皇后

藝人米雪、劉錫賢、張雷及馬海倫等到鑽石山出席月餅義賣活動，吸引大批市民到場支持和拍照。米雪坦言每次志蓮淨苑有齋宴及籌款等活動，一班藝人都會去做義工。

工作方面，米雪最近忙於四圍飛：「啱啱去咗上海同北京，之後去橫店拍古裝劇，再去馬來西亞、上海、杭州，10月就做舞台劇巡迴演出。（冇時間休息？）有，唔係日日做嘅。」她透露將於新劇飾演會變臉的皇后，感覺比較新派：「造型方面我會加意見，因為我好着緊造型，化妝、髮型都好重要。我會參考歷史書同漫畫書，我睇好多漫畫，好留意人哋嘅畫面同設計。」

劉錫賢深圳辦兒童劇團

劉錫賢獻唱《新鴛鴦蝴蝶夢》等歌曲，又坦言每年這個時間都會幫志蓮淨苑義賣：「個個都覺得月餅好肥膩，但佢哋啲月餅好健康，我都食咗好多年。我喺度呼籲大家買，又同大家影吓相，好似聚會咁。」提到在深圳與人合辦兒童劇團，劉錫賢表示想透過兩地合作，把香港的兒童劇團文化帶到內地：「依家已經開始遴選，聽講有300個6至13歲嘅小朋友報咗名。我哋仲想搞兒童電視台，我做完舞台劇就會去幫手。」他透露會親自擔任導師，亦邀請了幾位剛於演藝學院畢業的師弟妹合作。