仔仔明年讀書 陳敏之拒做怪獸家長唔追名校

2018年08月12日 22:15
東網電視
更多新聞短片
陳敏之將會仔仔報讀學前班。

藝人陳敏之、林志美及黎明詩等晚上於電視城錄影《流行經典50年》。敏之坦言參與這個節目演出已數月,最難忘起初相當緊張:「間中有機會喺節目唱吓歌,1廠對所有歌手嚟講真係有種魔力,緊張到手震,依家好啲嘞。」

她又透露在家「開聲」時,囝囝會跟着大叫:「佢遺傳晒我啲表演欲。我哋兩個一齊開聲,我老公就話我哋好嘈。囝囝依家開始講外星話,亦有自己社交圈,我帶過佢同胡杏兒囝囝玩,佢同梁烈唯囡囡係playgroup同學。」敏之表示明年囝囝會報讀學前班:「我唔係怪獸家長,唔追求名牌學校,但有做啲資料搜集。(追多個未?)囝囝要伴嘅,但佢依家太活躍,想等佢再大啲先,況且我拍劇到11月,一定唔係今年嘅事。」

另外,林志美及黎明詩因朋友飯聚一拍即合成好友,黎明詩說:「都想同志美合作。(你11月開騷?)依家場地同投資方都有啲問題,一切未知,可能再搞都會係明年嘅事。(唔開心?)冇喎,可能出年開仲好啲呢,不過本來係同何婉盈一齊開騷嘅,但出年佢個期又未必得。(打算全面復出?)都會唱多啲歌,自己鍾意嘛。」


陳敏之將會仔仔報讀學前班。