背莊思明入旺角 楊明買定架生打野戰

2018年08月13日 00:00
東網電視
更多新聞短片
楊明撇甩女友去買裝備打野戰。

無綫小生楊明與家底豐厚的拿督千金莊思明拍拖兩年,經常形影不離,不時在社交網「放閃」晒恩愛,感情穩定。男方為儲老婆本一直努力搵錢,年前已開始經營時裝生意,最近又跟朋友合資開燉湯店,為做拿督女婿做好準備。

雖然兩人早已認定對方,莊思明亦唔介意做跟得女友,但講到「打野戰」,楊明竟然沒有預女友!日前下午8時,他撇甩女友,與好友易智遠現身旺角氣槍舖,戴帽、穿白Tee、短褲及波鞋的他甫進店內,即專注揀選裝備及配件。由於店內種類繁多,他於飾櫃前又企又踎、細心研究。楊明挑選氣槍期間,不時拿出手機查看相關資料,身旁的易智遠亦有給予意見。二人逗留約半小時,最終買得心頭好,滿載而歸的他們各自拿着大袋戰利品離開,買齊裝備隨時「開戰」。