他鄉遇故知 李冰冰嫌王鎮泉訪問時間短

2018年08月13日 04:15
東網電視
更多新聞短片
Jeoffrey飛到洛杉磯專訪《極悍巨鯊》嘅一班演員。

無綫娛樂主播王鎮泉(Jeoffrey)最近到洛杉磯專訪荷里活電影《極悍巨鯊》的一班演員和導演,包括内地女星李冰冰、Jason Statham、Ruby Rose、Rainn Wilson與導演Jon Turteltaub。訪問李冰冰時,Jeoffrey稱有如他鄉遇故知:「佢話呢幾日見咗來自世界各地唔同嘅主持、記者,聽咗唔同口音嘅英文,見到我可以講普通話,即時覺得好輕鬆,我哋仲一齊自拍,最後做完五分鐘嘅訪問佢仲話唔夠喉,話我特意飛過去洛杉磯就只做佢五分鐘訪問喎!」

他稱大會很有心思,特意將專訪場地布置成海洋和沙灘一樣,而主角Jason Statham曾經是英國游泳國家隊,因此今次就算需要長期在水中拍攝,也沒那麼吃力,Jeoffrey說:「佢仲同我講,特意事先同真鯊魚一齊游水感受吓,真係好大膽!我一直以為Jason Statham感覺上係比較惡嘅人,但我喺外面拍嘢遇到Jason,佢好Nice咁話一齊影相,仲搭住我膊頭,令我完全改觀。」