愛犬離世心力交瘁 葉佩雯暫時唔諗養狗

2018年08月13日 06:30
東網電視
更多新聞短片
堅傷心。

歌手葉佩雯(Grace)跟老公Eric Kwok(郭偉亮)都是愛狗之人,去年她的愛犬Toro因鼻咽癌病逝,而另一隻狗女Nana早前因神經免疫糸統出現問題,令Nana有面癱狀況,令他們好心痛擔憂。原來Nana日前(10號)已離開,Grace在社交網留言:「NaNa好叻女等到爸爸收工回家,在他的懷抱中安詳離開!對我來說,有點突然!但對Nana來說,她得解脫不用受苦,現在可以和Tror同珍珍一齊喪玩喪跑、玩妳最愛足球實在太好,多謝妳這十二年給我美好快樂的回憶,放心,我會好好的,不用擔心。」

Grace回覆東網說:「其實NaNa之前由腰到下半身都係癱咗,嗰時已經check到佢應該係淋巴癌,醫生都有講如果你唔同佢做化療嘅話,預計佢仲剩四個月命,我哋覺得佢做化療會好唔舒服,我哋就淨係畀佢食藥,希望盡量keep住好嘅質素同佢一齊。佢走係有啲突然嘅,可能係淋巴癌擴散咗,再加上呢一個月佢耐唔耐不停屙血,我冇講唔想令到粉絲同埋鍾意NaNa嘅人睇到會傷心,佢前幾日都好精神,仲帶咗佢出街,有點突然,佢嘅呼吸有啲唔順,佢仲係keep住有屙血,睇咗醫生食咗啲腸胃藥止屙藥,但都唔係好幫到,我覺得OK,我唔想佢再受苦,佢係等到Eric一收工返到屋企,半小時內佢喺Eric懷抱度離開,其實佢能夠喺屋企安祥離開,已經係最好。」

她坦言生離死別難免會有不開心,她可會再養狗仔?她說:「暫時我哋都唔會養狗住,會休息吓,呢幾年照顧啲狗病,我都好攰,我都休息得同瞓得唔係幾好,所以自己調養吓身體先,幾年之後叉足電,到時我哋會再養過嘅。」

---------------------------
東網巨星開咗ig喇,大家快啲follow啦!
https://bit.ly/2JjSVcr