勁識做！林凱恩慶祝生日 做呢樣嘢冧粉絲
20180813
東網電視
更多新聞短片
林凱恩今個月17日先生日，但粉絲已經同佢慶祝喇！
憑處境劇《愛．回家之開心速遞》深得民心嘅林凱恩（Iris）即將係今個月17日踏入26歲，呢日佢就獲一大班粉絲為佢大搞生日會慶祝。佢喺社交網晒出多張靚相，見佢收花又收禮物，仲有一個海獅造型嘅生日蛋糕，真係萬千寵愛在一身！
而Iris都好識做，唔只親自下廚整小食回饋佢哋，仲發文多謝所有粉絲：「多謝每一位團友對我滿滿的愛，感謝你哋讓我覺得自己是最幸運的女孩～謝謝你們成為我強大的後盾！！我只能用十倍的努力去報答你哋的愛，同你哋一齊玩時間會過得好快，希望你地（哋）會鐘（鍾）意我為你哋預備的驚喜。每一張相大家都笑得好開心，幸福好簡單，無條件的愛。」
----------------------------
東網巨星開咗ig喇，大家快啲follow啦！