《韓薦》：徐康俊海灘重遇孔勝妍

又到新一集《韓薦》啦！徐康俊同孔勝妍主演嘅《你也是人類嗎》已經播出咗大結局啦，飾演機械人南信嘅徐康俊同孔勝妍相隔一年喺海灘再會，上演浪漫重逢嘅一幕呀！

電影方面，會同大家介紹玄彬同孫藝珍嘅新片《協商》，玄彬今次變身冷血綁匪，會同飾演談判專家嘅孫藝珍展開對峙呀，今次仲係玄彬第一次挑戰奸角添！

而今集仲會同大家講吓人氣男團Wanna One嘅台灣成員賴冠霖開嘅V App直播，佢喺節目裏面同粉絲傾計，談到過往喺學校裏面嘅經歷，仲會同大家介紹吓Wanna One嘅節目《Star Road》，佢哋喺節目大玩遊戲，另外仲會同大家介紹Red Velvet嘅新歌《Power Up》添，咁精彩大家又點可以錯過呢？