林峯最邪惡　孿毛劉青雲心理唔平衡

影帝劉青雲、蔡卓妍（阿Sa）、林峯、何佩瑜（Jeana）及李若彤友情客串的英皇電影《神探大戰》，8月已正式開拍。與韋家輝導演合作多次的青雲，今次於新片的首個造型亦曝光，一頭短曲髮的他配合招牌冷峻表情，不發一言已戲味逼人，他說：「呢個造型確實好出色，要成功演繹一個角色，需要好多方面配合，戲中呢個警察有少少問題，刻劃主要從精神層面着手，甚少電影會這麼透徹地探討一個人的精神狀態。今次再同韋家輝合作，係一件頗具挑戰性工作，因為佢已詳細寫低角色心理上變化，又會一直挖我內在嘅嘢！」亦曾拍過韋家輝電影的阿Sa，則直言導演非常「拍得」，可以不眠不休連續多個小時拍攝，惟今次再合作卻出乎意料地早收工。

演非一般警察的林峯，就不諱言以前曾為此有抱怨，他謂：「點解唔畀我演唔正常人物，甚至反派？意想不到，這已是我今年第三個不正常角色，而且仲變本加厲，導演說想塑造一個最邪惡嘅角色，唔係反派咁簡單，係一個完全黑暗人物，絕對係好大膽嘗試，呢半年一直處於唔穩定狀態，之前兩個角色都好唔正常，心理上有個鋪排，相信導演會給我好多啟發，為角色增添更多可能性，所以當初聽導演講解劇本，已經目瞪口呆，幾乎『嘩』一聲喊出嚟！」

老闆楊受成近日特別到片場探班，並表示已一直期待與導演韋家輝合作，對現在終能成事，故對該片非常有信心，更謂：「青雲好戲人人皆知，阿Sa演技愈趨成熟，獲封影后是遲早的事；林峯好戲又靚仔，演警察入型入格，幾位主角實在太勁，我當然大力支持！」

----------------------------

東網巨星開咗ig喇，大家快啲follow啦！

　https://bit.ly/2JjSVcr