未試過做舞台劇！袁詠儀最想同佢演…

由藝人劉嘉玲及謝君豪主演的英皇舞台劇《奪命証人》接近完結階段，而昨晚（17日）倒數第四場的演出獲男神張智霖（Chilam）與太太袁詠儀（靚靚）、李克勤與太太盧淑儀，以及陳奕迅（Eason）與太太徐濠縈等趁七夕情人節拍住拖捧場。事後靚靚更於社交網站上載與嘉玲的合照並留言：「謝謝嘉玲姐讓我們看到一個劇本和演員都非常精彩的舞台劇。」

被問到有否興趣演出舞台劇？靚靚不諱言：「入行咁耐都未試過，舞台劇對我嚟講絕對係一個好高難度嘅挑戰，暫時仲未遇到一個令我覺得好值得接受挑戰嘅劇本囉。（如果首演，最想同邊個男演員合作？）咁一定係謝君豪啦，事關我睇過佢幾次嘅演出，都覺得好精彩、好有力量。」至於Chilam同樣大讚《奪》劇相當精彩：「未到最尾都唔知邊個係兇手，好引人入勝。」

另外，台灣男神鄭元暢亦專程前來捧場，而陳寶珠更與兒子楊天經等齊撐嘉玲。至於克勤則乘機與有份演出的秦沛聚舊：「當年我拍《淘氣雙子星》做佢個仔，梗係要嚟捧『老竇』場啦。」《奪》劇將於周一演出最後一場，一眾台前幕後均感到不捨。