結婚一年！神話Eric孖羅惠美街坊Look行超市

韓國長壽組合神話的39歲隊長Eric，於去年2月被爆與27歲女星羅惠美拍拖。兩人早於2014年傳過緋聞，至去年大方認愛，並於去年7月1日在首爾的教堂舉行婚禮，獲神話隊友及不少圈中人到賀，一對新人隨後赴馬爾代夫度蜜月。

二人結婚一年多，也相當低調，甚少一同現身公開場合，但去年到日本旅行期間曾被網民捕獲，而早前亦有網民在家附近的超市成功捕獲二人。當時兩人均戴上Cap帽，以街坊Look示人的Eric，穿上衞衣襯短褲及踢拖，更拿着大袋廁紙。而羅惠美則拎住一袋超市食品，兩公婆去完超市掃完日用品後，準備返家，儼如普通的夫婦一樣。

而榮升Eric太的羅惠美，繼去年參演古裝版韓劇《我的野蠻女友》後，最近參演KBS韓劇《我唯一的擁護者》回歸公仔箱。適逢今年是神話出道20周年，Eric將與隊友展開神話巡迴演唱會，據悉已鎖定香港一站。