冇諗過入到三甲　陳曉華奪冠係意外？

出爐港姐冠軍陳曉華勝出後接受媒體訪問。談到自己順利勝出，她謂：「覺得自己狀態幾好，其實之前都有少少緊張嘅，而且缺乏自信，好彩比賽前剛剛學識放鬆，好enjoy咁去參選，整體嚟講我都算淡定嘅。（最滿意自己邊部份嘅表現？）五強講感受嗰時。（得冠軍感到意外？）係呀，我都冇諗過入到三甲，都同其他嘅女仔講，最緊要開開心心咁去完成個比賽。（同亞軍鄧卓殷相比，覺得自己好在乜嘢？）可能我個樣開心，同埋鍾意笑，夠淡定，其實喺後台我都有唱歌放鬆心情呀。」