袁春望身世成謎　係雍正私生仔？

《延禧攻略》雖然大咗結局，不過好多網民依然沉醉緊喺套劇入面，仲將故事入面未有解釋嘅部份拎出嚟抽絲剝繭！

好似劇中魏瓔珞義兄、最後成為大Boss嘅太監袁春望嘅身世，網民都好好奇。話說劇中佢被魏瓔珞揭露係先帝雍正個私生子，話係雍正當年喺太行山遭到匪徒追殺嗰時，藏身咗喺一戶農家入面，同一個農家女發生關係所生嘅的私生子，結果太后否認，暗示袁春望只係土匪之子，搞到袁春望聽完之後當場發癲！

當時乾隆立即下令要將袁春望處死，但太后就為佢求情。網友話佢竟為一個太監求情，留下無限懸念，猜測袁春望真實身份的確係先皇之子先啱，只係礙於佢嘅身份會令家族蒙羞，覺得一個太監又點可能做到皇上兄弟，所以唔可以提拔佢，只可以放任佢去苟活！